Mae L.I.F.E yn elusen sydd newydd gofrestru a ffurfiwyd gan bum rhiant gwirfoddol sydd â phlant ag anabledd a/neu anghenion dysgu ychwanegol eu hunain.

Mae L.I.F.E wedi ymrwymo i gefnogi teuluoedd sy’n byw ym Mro Morgannwg a’r ardaloedd cyfagos sydd â phlant a/neu oedolion ifanc ag anabledd a/neu anghenion dysgu ychwanegol. Ein prif nod yw cefnogi’r plant a’r oedolion ifanc hyn trwy drefnu ystod eang o ddigwyddiadau a gweithgareddau hamdden a chymdeithasol, sydd yn eu tro yn galluogi’r bobl ifanc i gael llwyfan ar gyfer ehangu eu rhwydwaith cymdeithasol eu hunain. Mae hyn yn cefnogi datblygiad eu medrau lles a chyfathrebu cymdeithasol mewn amgylchedd diogel a chynhwysol.

Rydym hefyd yn annog rhieni i ehangu a datblygu eu cylch cymdeithasol eu hunain a meithrin cyfeillgarwch gydol oes trwy foreau coffi misol, digwyddiadau rhieni/gofalwyr ac wrth fynychu digwyddiadau a chymdeithasu gyda’u plant.

Os ydych chi’n meddwl bod hon yn elusen y byddai’ch teulu’n elwa o ymuno â hi ac angen unrhyw wybodaeth bellach, cysylltwch â ni.