Mae’r Barri wedi derbyn hyd at £2 filiwn y flwyddyn dros y degawd nesaf drwy Gynllun Cymdogaethau Llywodraeth y DU. Bydd y buddsoddiad hwn yn mynd i’r afael â heriau lleol, yn gwella ansawdd bywyd, ac yn cefnogi trigolion i lunio dyfodol eu tref.

Fel rhan o Gynllun Cymdogaethau’r Barri, mae Bwrdd Cynllun Cymdogaethau’r Barri wedi’i sefydlu i oruchwylio sut mae’r buddsoddiad yn cael ei ddefnyddio.

I gefnogi Bwrdd Cynllun Cymdogaethau’r Barri, mae pum grŵp gweithredu wedi’u sefydlu yn seiliedig ar y blaenoriaethau buddsoddi.

Aelodau’r grwpiau gweithredu yw trigolion lleol a pherchnogion busnesau, pob un yn bobl sy’n gwirfoddoli i helpu eu tref.

Bydd y pum grŵp gweithredu yn ystyried y materion sy’n ymwneud â’u hardaloedd a’r syniadau sydd eisoes wedi’u hawgrymu, yn ystyried syniadau newydd, ac yn llunio cynllun ar gyfer yr hyn i ganolbwyntio arno yn y 4 blynedd cyntaf. Bydd Bwrdd Cynllun Cymdogaethau’r Barri yn adolygu’r cynllun cyffredinol ac yn ei gyflwyno i Lywodraeth y DU i’w gymeradwyo.

Y pum grŵp gweithredu yw:

Y Barri Ddiogelach – Strydoedd, parciau a mannau cyhoeddus Diogel

Y Barri Fywiog – Anadlu bywyd newydd i leoedd siopa, gweithio a mwynhau’r Barri

Dyfodol y Barri – Swyddi, hyfforddiant a sgiliau newydd

Cymunedau Llewyrchus y Barri – Cymdogaethau unedig yn adeiladu cymunedau cryfach

Y Barri Gyda’n Gilydd – Dathlu cymuned trwy ddiwylliant, celf, bwyd a chwaraeon