Mae Greenlinks Community Transport yn darparu gwasanaeth teithio cymunedol cyfeillgar a phroffesiynol am gost isel i unigolion a grwpiau cymunedol ym Mro Morgannwg, yn enwedig i’r rhai â nam symudedd a’r rhai na allant gael mynediad at drafnidiaeth gyhoeddus gonfensiynol.

Mae teithiau’n amrywio o ymweliadau ysbyty ac apwyntiadau, ymweld â ffrindiau a pherthnasau mewn cartrefi gofal i ymweliadau cymdeithasol a thripiau siopa. Mae’r cynllun hefyd ar gael i grwpiau cymunedol di-elw sy’n dymuno llogi’r bws ar gyfer teithio lleol.

Aelodaeth Oes: £6

Unigolion: Mae prisiau’n amrywio rhwng £2 – £5 yn dibynnu ar y cais am gludiant.

Llogi Grŵp: Hanner diwrnod/noson: £35; Diwrnod llawn: £70.

Swydd Wag Gwirfoddolwr

Darperir y Gwasanaeth Dydd Llun – Dydd Gwener: Oddeutu 8:30 i 17:00. Rydym hefyd yn darparu gwaith achlysurol gyda’r nos ac ar y penwythnos ar gyfer archebion grŵp.

Rydym yn chwilio am wirfoddolwyr 21+ oed sydd wedi dal trwydded yrru am o leiaf dwy flynedd. Mae gennym amrywiaeth o gerbydau o geir hygyrch / ceir trydan i fysiau mini 12 sedd i ddarparu cludiant i drigolion Bro Morgannwg.

Mae’r gwasanaeth yn darparu trafnidiaeth cyn belled â Phen-y-bont ar Ogwr, Porthcawl, Llantrisant a Chaerdydd. Mae Greenlinks yn agored i drigolion Bro Morgannwg ymuno.

Er mwyn gallu gyrru’r 3 bws mwy byddai angen i wirfoddolwr gael categori D1 ar ei Drwydded. Os gwnaethant basio eu prawf gyrru cyn 1997 (a heb golli eu trwydded ers hynny) mae ar eu trwydded yn awtomatig. Lleolir y cerbydau yn Nepo’r Alpau, Gwenfô. Bydd codi a gollwng o Ddepo’r Alpau

Ymrwymiad amser: Ymrwymiad amser a awgrymir o 4 awr neu fwy (diwrnod llawn yn ddelfrydol) bob pythefnos. Mae’n ddyddiau’r wythnos yn bennaf, ond mae rhai penwythnosau a nosweithiau (os oes galw). Mae dyddiau’n hyblyg.

Treuliau a ad-delir: Costau teithio yn cael eu had-dalu / Cymhellion gwirfoddolwyr.

Hyfforddiant a ddarperir: Byddwch yn derbyn asesiad gyrru ac yn cwblhau proses sefydlu sy’n cynnwys system cyfeillio cychwynnol. Darperir hyfforddiant MIDAS maes o law.

Gweithdrefnau dewis: Trafodaeth anffurfiol, llenwi ffurflenni cais, tystlythyrau a gwiriad DBS (cost wedi’i thalu gan y sefydliad).