Mae llawer o bobl ag anabledd dysgu yn ei chael hi’n anodd mynd allan a mwynhau’r pethau maen nhw wrth eu bodd yn eu gwneud. Er enghraifft, mae bron i 1 o bob 3 o bobl ifanc ag anabledd dysgu yn treulio llai nag awr y dydd y tu allan i’w cartrefi ar ddydd Sadwrn arferol (ymchwil Mencap 2016).

Mae’r rhwystrau sy’n atal pobl rhag mynd allan, yn enwedig gyda’r nos, yn cynnwys: diffyg cefnogaeth, ofn bwlio a gwahaniaethu, materion trafnidiaeth, hyder, neb i fynd gyda nhw, a ddim yn gwybod beth sydd ymlaen.

Gofynnwn i chi a’ch Cyfaill Gig fynychu, ar gyfartaledd, 1 gig neu ddigwyddiad bob mis. Gallwn eich cefnogi chi a’ch Cyfaill Gig yn eich gig cyntaf gyda’n gilydd.

Gofynnwn i chi hefyd gwrdd â’ch Cyfaill Gig am gyfarfod byr bob mis i gynllunio’ch gig nesaf. Gallwch wneud hyn mewn caffi neu dafarn, neu rywle arall y mae eich Cyfaill Gig yn hoffi mynd.

Bob mis rydym hefyd yn cynnal digwyddiadau cymdeithasol Gig Buddies, lle rydym yn gwahodd ein holl Gig Buddies i ddod at ei gilydd ar gyfer digwyddiad.

Drwy fod yn Gyfaill Gig byddwch yn chwarae rhan bwysig iawn wrth gefnogi rhywun i oresgyn y materion hyn.